Hər saniyə Rusiyanın əlyehinə işləyir - "Moskva istəsə də, istəməsə də göz yaşlarına inanmalı olacaq..."

Hər saniyə Rusiyanın əlyehinə işləyir -
"Rusiya artıq nüvə təhdidindən geri çəkilir. Bunun arxasında təbii ki, ilk növbədə Ukrayna ordusunun, hakimiyyətinin və xalqının barışmaz mövqeyi dayanır”.
 
Sfera.az bildirir ki, bunu "Şərq-Qərb” Araşdırmalar Mərkəzinin rəhbəri, politoloq Ərəstun Oruclu deyib. Onun sözlərinə görə, həm də Ukraynaya göstərilən dəstəyin sistemli və miqyaslı olması ilə yanaşı , anti-Rusiya düşərgəsindəki tərəddüdlər, mübahisələr də aradan qaldırılıb:

"Buna da işarə edən Vaşinqtondan, Brüsseldən, Londondan və Berlindən gələn açıqlama və bəyanatlarla unison səslənməsidir. Belə şəraitdə Moskvadan verilən istənilən sərt bəyanat yalnız Rusiyanın özünə qarşı işləyir. Eynilə xarici işlər naziri Sergey Lavrovun Hitlerin "soy-kökü" və "antisemit yəhudilər" barədə səsləndirdiyi absurd fikirlər kimi. Amma Moskvadan atılan addımlar təkcə "quru" absurd bəyanatlardan ibarət deyildi. Məsələn, elə Lavrovun yuxarıda xatırlanan bəyanatı ilə yanaşı, Rusiya rəsmilərinin Moskvaya səfər edən Həmas liderləri ilə danışıqları da vardı. Bütün bunlar yalnız Moskvaya qarşı olan beynəlxalq düşərgənin daha da genişlənməsi ilə nəticələndi. Görünür, nəhayət Kremldə bunu anlayaraq taktikanı dəyişməyə qərar veriblər”.

Politoloq qeyd edib ki, Ukraynaya qarşı başladılan qanlı təcavüzün Rusiya ərazisində davam etməsinin qaçılmaz olacağı nəinki gözləniləndir, hətta onun ilkin işartıları da artıq görünməkdədir:

"Özü də Kremldəki yüksək kabiNetlərdə. Dünya mediasında Putinin Ukrayna cinayətinin onun sonunu yaxınlaşdıracağı haqda ehtimal və təhlillər də artmaqdadır. Belə sonluq isə nəinki təsadüfi deyil, ola bilsin, hətta əvvəlcədən planlaşdırılmışdı. ABŞ başda olmaqla, kollektiv Qərbin sanksiyalarının ucdantutma bütün Rusiya oliqarxlarına şamil edilməsinin nəticəsinin nə olacağı heç kəsdən sirr deyildi. Xüsusilə də, həmin oliqarxlar arasında yüksək dövlət rəsmilərinin olduğunu nəzərə aldıqda. Amma sanksiyalar təkcə Rusiya ilə məhdudlaşmayacaq və görünən həm də odur ki, onlar qısa müddətə nəzərdə tutulmayıb. Rusiyaya sanksiyalardan yayınmağa kömək edən dövlət və şirkətlərə, həmçinin banklara, digər kommersiya qurumlarına da güzəşt olunmayacaq. Artıq belə nümunələr var”.

Ekspert əlavə edib ki,  Moskvada hakimiyyətdaxili gərginliyin artması, tətbiq olunan sanksiyaların ilkin təsirlərinin artıq görünməsi, döyüş meydanındakı uğursuzluqlar və nəhayət, Putinin hətta Lukaşenko kimi "etibarlı müttəfiqlərinin" də son günlər ziddiyyətli açıqlamalar verməsi vəziyyətin reallıqda necə olduğunu göstərir.

"Odur ki, indi Putinin Ukrayna torpağnıda başlatdığı "denasifikasiyaya dair xüsusi hərbi əməliyyatın" episentrinin yaxın zamanda Moskvadakı yüksək dövlət kabinetlərinə keçəyini deməyə ciddi əsaslar var. Bəlkə elə həm də Rusiyanın böyük şəhərlərinin küçələrinə. Hadisələrin belə istiqamətdə cərəyan edəcəyi halda Moskva istəsə də, istəməsə də göz yaşlarına inanmalı olacaq. Çünki bu, onun özünün göz yaşları olacaq”.

Günay Rəsulqızı
Sfera.az

OXŞAR XƏBƏRLƏR

İtləri panda kimi rənglədilər: Zoopark qalmaqalı

Çinin Quanqyuan Zooparkı insanlar qəfəslərdəki “pandaların” sadəcə boyalı itlər olduğunu başa düşdükdən sonra bağlanmaq məcburiyyətində qalıb. Zoopa...

“Kişi olduğumu deyirdilər”: Ledi Qaqa zorakılığa məruz qaldığından danışıb

Amerikalı müğənni və bəstəkar Ledi Qaqa (əsl adı Stefani Germanotta - red.) “Netflix”in yeni "Nə olacaq? Gələcək Bill Qeytslə" serialında ...

İtaliya Çörçillin oğurlanmış şəklini Kanadaya qaytarıb - FOTO

İtaliya Kanadaya Böyük Britaniyanın keçmiş baş naziri Uinston Çörçilin məşhur fotosunu verib. Sfera.az xəbər verir ki, bu barədə CBC telekanalı məlumat yay...

Prezidentdən Dövlət Suverenliyi Günü ilə bağlı paylaşım -VİDEO

Prezident İlham Əliyev Azərbaycan Respublikasının Dövlət Suverenliyi Günü ilə bağlı sosial şəbəkə hesablarında paylaşım edib.   Sfera.az paylaşı...

İordaniya dünyada rəsmi olaraq cüzamdan azad olan İLK ÖLKƏ OLDU

İordaniya dünyada rəsmi olaraq cüzamdan xilas olan ilk ölkə olub və Ümumdünya Səhiyyə Təşkilatı Yaxın Şərq dövlətini mühüm nailiyyəti münasibətilə təbrik edib. ...

Donald Trampın həyat yoldaşı çılpaq fotoları haqqında: “Mən bunu fəxrlə çəkirəm”

Donald Trampın həyat yoldaşı Melaniya geyimsiz fotosu ilə fəxr etdiyini bildirib.   Sfera.az xəbər verir ki, o bu barədə İnstaqramda yazıb.   ...