Bununla bağlı Sfera.az-a açıqlama verən politoloq Əlimusa İbrahimov deyib ki, bu dəfə Rusiya ABŞ kəşfiyyat orqanlarının "Moskva”nın batırılmasında əli olması ilə bağlı yeni iddia irəli sürüb:

"Guya ABŞ Rusiya kreyserinin yerləşdiyi koordinatlar haqqında məlumatı Ukrayna hərbçilərinə verib ki, bu da gəminin batırlmasında əhəmiyyətli rol oynayıb. Pentaqonun nümayəndəsi Con Kirbu Rusiyanın bu iddiasını rədd edərək bildirib ki, ukraynalılar rus hərbi gəmilərini nəzarətdə saxlamağa qadir kəşfiyyat imkanlarına malikdirlər və bu imkanlardan kreyserə qarşı istifadə ediblər. Elə Rusiyanın Ukrayna cəbhəsində ciddi uğursuzluğa düçar olmasının əsl səbəbi onların Ukrayna Silahlı Qüvvələrinin imkanlarını düzgün qiymətləndirməməsi olub. Əgər Kreml əməliyyata başlamazdan qabaq ukraynalıların bu cür şücaətlə döyüşüb rus qoşunlarının qarşısını saxlamaq gücündə olduğunu bilsəydi, ya əməliyyata başlamazdı, ya da bunun üçün daha fərqli taktika tətbiq edərdi”.

 

Müsahibimiz deyib ki, indi  Rusiya cəbhədəki uğursuzluğunu əsaslandırmaq üçün ABŞ və NATO-nun digər ölkələrinin ukraynalılara hərbi və iqtisadi yardımını əsas gətirirlər:

"Unutmaq lazım deyil ki, ABŞ və NATO Ukraynaya hərbi yardımı bu ölkənin ruslara qarşı savaşmaq gücündə olduğunu qətiləşdirdikdən sonra intensivləşdirdilər. Ukraynalılar savaşmağı bacarmasaydılar, Ukrayna da Əfqanıstanın gününə düşəcəkdi. Rusiya da bunu artıq başa düşməli və Ukrayna hərbçilərinə yuxarıdan aşağı baxmaqdan əl çəkməlidirlər. "Moskva” kreyserinin vurulmasına gəlincə, deyəsən yenə də günah Bayraktar TB2-nin üzərində qaldı. Çünki bu hadisədə təkcə onun oynadığı rolu inkar etmirlər”.