Yeni iddia: Putinin gənc sevgilisindən 2 oğlu var
Media
13:40 / 02.05.2022
2150
Rusiya prezidenti Vladimir Putinin sevgilisi olduğu iddia edilən media nəhəngi Milli Media Qrupunun sədri Alina Kabayeva ilə bağlı inanılmaz iddia ortaya atılıb.
Sfera.az bildirir ki, İsveçrə mətbuatı Kabayevanın 2 oğlan uşağı dünyaya gətirdiyini və bu uşaqların atasının Putin olduğunu yazıb. "Sonntagszeitung” qəzetinin araşdırmasına görə, uşaqlardan birincisi 2015-ci ildə İsveçrədəki lüks özəl klinikada doğulub. 2019-cu ildə başqa oğlan uşağı dünyaya gətirdiyi iddia edilən Alinanın doğuşu Moskvada gerçəkləşdirdiyi deyilib.
Qəzetin kimliyini gizli saxladığı mənbə, "Alinanın başqa heç bir əlaqəsi olmayıb. Bu, onun üçün çox təhlükəli olardı”, deyə söyləyib. Həmin şəxsin sözlərinə görə, Putin İsveçrədə ilk doğuşda olmasa da, ikinci doğuşda gimnastın yanına gəlib. Kabayeva və Putinin hamıdan gizlətdikləri övladlarının olması ilə bağlı iddialar illərdir səslənsə də, bu məsələ ilə bağlı heç bir rəsmi təsdiq tapılmayıb.
Günay Rəsulqızı
Sfera.az
