Azərbaycanın bəzi rayonlara leysan yağıb - FAKTİKİ HAVA
Gündəm
12:24 / 01.05.2022
1202
Mayın 1-i saat 11:00-a olan məlumata əsasən, bəzi yerlərdə şimşək çaxıb, arabir yağış yağıb, Böyük Qafqazın bəzi yerlərində leysan xarakterli intensiv olub.
Sfera.az xəbər verir ki, Milli Hidrometeorologiya Xidmətinin verdiyi məlumata görə, düşən yağışın miqdarı Zaqatalada 47.0 mm, Balakəndə 29.0 mm, Sarıbaşda (Qax) 10.0 mm, Kişçayda (Şəki) 5.0 mm, Lerikdə 4.0 mm, Qrızda 3.0 mm, Qusar, Ordubad, Ağdərədə (Ordubad) 2.0 mm, Şəki, Quba, İmişli, Qəbələ, Qax, Sabirabad, Cəfərxan, Salyanda 1.0 mm-dək, Bakıda və Abşeron yarımadasında: Binə, Bakıda 1.0 mm-dək olub.
Aprelin 30-u gün ərzində şimal-qərb küləyi arabir Naftalanda 20 m/s, Bakıda və Abşeron yarımadasında 18 m/s-dək güclənib.
Havanın maksimal temperaturu Bakıda iqlim normasından 3.5° yüksək olub, Bakıda və Abşeron yarımadasında 18-20° isti, Naxçıvan MR-da 22-26° isti, dağlıq rayonlarda 19°-dək isti, aran rayonlarında 23-28° isti olub.
Respublikanın bölgələrində də yağıntılı hava şəraitinin davam edəcəyi, şimşək çaxacağı, fasilələrlə yağış yağacağı gözlənilir. Ayrı-ayrı yerlərdə intensivləşəcəyi, dolu düşəcəyi, yüksək dağlıq ərazilərdə qar yağacağı ehtimalı var.
