Zelenski rusların sui-qəsd cəhdləri ilə bağlı bu detalı ilk dəfə AÇIQLADI - “Hədəfə çox yaxınlaşmışdılar, paraşütlə enib…”

 

Sfera.az xəbər verir ki, Ukrayna liderinin İngiltərənin "The Times” jurnalına müsahibəsində bu məsələ ilə bağlı açıqlamaları zəlzələ effekti yaradıb. Məlumatda qeyd olunub ki, müharibənin ilk günlərində sui-qəsd qrupları Zelenskini öldürməyə cəhd ediblər. İki sui-qəsdin Rusiya hökumətinə yaxın olduğu deyilən muzdlulardan ibarət "Vaqner Qrupu” tərəfindən təşkil edildiyi bildirilib. Həmin günlərdə rusların 400 nəfərlik komandanı Kiyevə soxması və bu şəxslərin Zelenski və ailəsini öldürmək üçün təyinat alması ilə bağlı iddialar dünyanı silkələyib. 

İşğalın ilk həftələrində Zelenski adı  açıqlanmayan bunkerdə qalırdı. Zelenski  müsahibəsində bildirib ki, ailəsi içəridə olarkən rus qoşunları prezident iqamətgahına iki dəfə hücum edib. Ukrayna lideri Rusiya qüvvələrinin işğalın ilk saatlarında onu ələ keçirib öldürməyə necə yaxınlaşdığını təsvir edib.

Kiyevdəki Prezident iqamətgahında iki həftə qalan jurnalist Saymon Şusterlə danışan Zelenski rus qoşunlarının münaqişənin ilk günündə paytaxtda onu və ailəsini tapmağa necə yaxınlaşdıqlarını izah edib.

Bombalama başlayandan sonra o, həyat yoldaşı Olena Zelenska ilə birlikdə 17 yaşlı qızı və doqquz yaşlı oğluna evlərini tərk etməyə hazırlaşmağı söyləməyə gedib. 

Ukrayna ordusu Zelenskiyə bildirib ki, Rusiya hücum qrupları onu və ailəsini öldürmək və ya ələ keçirmək üçün Kiyevə paraşütlə enib. 

Şusterin sözlərinə görə, Rusiya qoşunları Zelenskinin ailəsi hələ də evdə olarkən binaya hücum etmək üçün iki cəhd edib. Növbəti gecə, daha təhlükəsiz mühit təklifini, o cümlədən mühacirətdə hökumət qurmağa imkan verəcək ABŞ və Britaniya qüvvələrinin təxliyəsini rədd etdikdən sonra Zelenski telefonuna video mesaj yazmaq üçün həyətə çıxıb. Bu mesaj müharibənin sonrakı günlərində dünyada ən çox baxılan videolardan birinə çevrilib. 

Həmin an Zelenski müharibədəki rolunu həqiqətən dərk etdiyini söyləyib. Həmin məşhur mesajda Zelenski özünü xilas etmək istəyən ABŞ Prezidenti Co Baydenə müraciət edib:

"Sağ olun, cənab Prezident. Amma mənə qaçmaq lazım deyil, ölkəmi müdafiə etmək üçün mənə silah və sursat lazımdır”.