Fransalı səfir “azərbaycanlı qadınlar sülhə töhfə verə bilər” deyəndə nəyi nəzərdə tutub? – AÇIQLAMA

 

Bundan əlavə, səfir vətəndaş cəmiyyətinin, alimlər, beyin mərkəzləri, rəssamlar, yazıçılar, aktyorlar, iş adamları və sadə vətəndaşların sülhdə mühüm rol oynaya biləcəyini deyib. Qadınların da sülhyaratmada üstün rolunu qeyd edən səfir sülh üçün həqiqi imkanların mövcud olduğunu deyib.

Maraqlıdır, Fransa tərəfinin belə bir istəkdə olması (sülh sazişinin imzalanması) nə dərəcədə realdır? Bundan əlavə, səfir müxtəlif sahədə olan insanların sülhdə rol oynaya bilmə məsələsini vurğulamaqla nəyi deməyə çalışıb? 

Mövzu ilə bağlı Sfera.az-a danışan Bakı Politoloqlar Klubunun rəhbəri Zaur Məmmədov Fransanın Avropa İttifaqı timsalında danışıqlarda rol oynamaq istəyinin olduğunu bildirib:

"Fransa Xarici İşlər Nazirliyinin, eləcə də Makronun Azərbaycanla bağlı mövqeyində dəyişiklik olduğunu görürük. 44 günlük müharibədən sonra Azərbaycana qarşı radikallıq mülayim siyasətlə dəyişmiş oldu. Paris yaxşı başa düşdü ki, bölgədə vəziyyət dəyişib və Azərbaycanı qarşısına almaq Cənubi Qafqazı itirmək demək olacaq. Bundan başqa Fransa Avropa İttifaqı timsalında qurumun danışıqlarda artan rolunda fəal iştirak etmək istəyir. Paris Minsk qrupundan sonra Avropa İttifaqında bu məsələlərdə müəyyən rol oynaya bilər. Digər tərəfdən, məlum məslədir ki, Ermənistan Azərbaycanla sülh danışıqları və dialoq vasitəsi ilə problemlərin aradan qaldırılması ilə bağlı danışıqlarda iştirak edir. Belə olacağı təqdirdə Fransa da danışıqları dəstəkləməlidir”. 

"Vətəndaş cəmiyyəti, beyin mərkəzləri, alim və yazıçıların sülhə töhfə verməsi illərlə məlum olan məsələdir. Bu istiqamətdə işin aparılmasına qədər Ermənistanla-Azərbaycan arasında müəyyən çağırışlar var ki, onlar aradan qaldırılmalıdır. Ermənistan ilk növbədə azad və suveren olmağını sübut etməlidir və verdiyi sözləri yerinə yetirməlidir. Fransanın ən böyük xidməti Ermənistanı yuxudan oyatmaq ola bilər. Azərbaycan istər dövlətlər səviyyəsində, istərsə də yumuşaq güc vasitəsilə dialoqa "hə” deyir”.