Məşhur reper faciəvi şəkildə dünyasını dəyişdi - FOTO
Media
16:57 / 25.04.2022
1073
Məşhur türkiyəli reper Beta Berk Bayındır faciəvi şəkildə vəfat edib.
Sfera.az bildirir ki, o, yaşadığı evin səkkizinci mərtəbəsindən yıxılaraq ölüb.
Beta Berk Bayındırın dostu sosial media hesabından "Əziz qardaşım Betanı bu səhər itirdik, ürəyimiz parçalanır. Bu prosesdə bizə və onun ailəsinə anlayış göstərib zəng etməsəniz, minnətdar olarıq. Onu sonuncu dəfə yola salmaq istəyənlər üçün dəfn məlumatı dəqiqləşəndə xəbər verəcəm”, - deyə qeyd edib.
Hadisə ilə bağlı danışan məhəllə sakinlərindən Ali Öndin, "Sevgili və ya ailəsi ilə problemi olub-olmadığını dəqiq bilmirəm, ancaq 8-ci mərtəbədən pəncərələrə dəyərək yıxılıb. Əvvəl səsi eşitdim, bura gələndə daha üç-dörd nəfər var idi. Təcili yardım gəldi, polisə də xəbər verdim. Amma o, çoxdan ölmüşdü”, - deyib.
Polis qrupları olay yerinə təhlükəsizlik zolağı çəkərək tədbir alıb, gənc reperin cəsədi Ədliyyə Tibb Qurumuna aparılıb. Hadisə zamanı evdə olan gənc reperin sevgilisi də dindirilib.
Türkan
Sfera.az
