Bayden Obamaya planlarından danışdı: 86 yaşınadək…
16:11 / 19.04.2022
1059
ABŞ Prezidenti Co Bayden keçmiş prezident Barak Obamaya 2024-cü ildə ikinci dəfə namizəd olmaq planları barədə danışıb.
Sfera.az xəbər verir ki, bu barədə "The Hill” qəzeti məlumat verib.
Qeyd edək ki, Bayden 2021-ci ilin yanvarında 78 yaşında vəzifəyə gələn ən yaşlı prezident olub. Əgər o, ikinci dəfə namizədliyini irəli sürsə və seçkidə qalib gəlsə, 2024-cü ildə 82 yaşında vəzifəyə başlamış olacaq. Beləliklə 4 illik prezidentlik müddəti nəzərə alınmaqla, Bayden 86 yaşına qədər dövlət başçısı olaraq qalacaq.
Xatırladaq ki, ABŞ-da növbəti prezident seçkiləri 2024-cü il noyabrın 5-nə təyin edilib. ABŞ-ın keçmiş prezidenti Donald Tramp 2024-cü il prezident seçkilərində iştirak etmək imkanının olduğunu etiraf edib. Şimali Karolinada keçirilən mitinq zamanı o, üçüncü dəfə dövlət başçısı postu uğrunda mübarizə aparmalı ola biləcəyini deyib.
Əzizə Zeynal
Sfera.az
