Rio-de-Janeyroda keçirilən Olimpiya oyunlarına tamaşaçılar arasında çox böyük maraq var. Ümumilikdə, olimpiadaya 2,736 mln. bilet satılıb.

Publika.az TASS-a istinadən xəbər verir ki, bunu jurnalistlərə müsahibəsində Rio-2016-nın Təşkilat Komitəsinin ictimaiyyətlə əlaqələr şöbəsinin rəhbəri Mario Andrada deyib: "Ümumilikdə, Olimpiya Oyunlarına 2 mln. 736 min bilet satılıb".

Onun sözlərinə görə, yüngül atletika üzrə final yarışlarına bütün biletlər alınıb.

Xatırladaq ki, Olimpiya Oyunları Braziliyada avqustun 5-dən 21-dək keçirilir.