“Haqsızlıqların səbəbini qanunlarda axtarmaq doğru deyil" - Politoloq

Maraqlıdır, görülən işlərə baxmayaraq vətəndaşlarımız öz hüquq və azadlıqlarını yetərincə bilir?

Mövzu ilə bağlı Sfera.az-a açıqlama verən politoloq Qabil Hüseynli deyib ki, Azərbaycan cəmiyyəti sosial və siyasi məsələlərdə olduqca aktivdir: 

"Bununla belə görürsən ki, insanlar onların hüquq və azadlıqlarının pozulmasından şikayətlənir. Bir çox hallarda hüquqlarının pozulması qanunlarda olan müəyyən boşluqlarla izah olunsa da, əsas səbəb kimi vətəndaşların böyük çoxluğunun öz hüquqlarını bilməməsi göstərilir”. 

Politoloqun fikrincə bu sahədə yenə də müəyyən işlərin görülməsinə ehtiyac var. "Xüsusilə də, siyasi təşkilatların bu istiqamətdə aktivliyinə ciddi ehtiyac yaranıb. Çünki hüquqlarını bilməyən, siyasi fəallığı olmayan, hər şeyi öz axarına buraxan insan sonda öz hüquqlarının pozulması ilə rastlaşır. Bir çox hallarda da bilmədiyi üçün həmin hüquqların pozulmasına müqavimət göstərmək imkanı da olmur”, - deyə Q.Hüseynli vurğulayıb.

Onun sözlərinə görə qanunları bilməmək, qulaqdandolma bilgilərlə hərəkət etmək cəmiyyətdə geniş yayılıb.

"Bir çox hallarda da insanların hüquqları məhz bu səbəblərdən pozulur. Bütün haqsızlıqların səbəbini qanunlarda axtarmaq doğru deyil. Odur ki, Azərbaycan vətəndaşının öz hüquqlarını sona qədər bilməsi vacibdir”.

 

Qeyd: Material Medianın İnkişafı Agentliyinin maliyyə dəstəyi ilə hazırlanıb.

Mövzu: İnsan hüquq və azadlıqlarının müdafiəsi, vətəndaşların hüquqi, siyasi mədəniyyət səviyyəsinin yüksəldilməsi, sosial və siyasi fəallığının artırılması.