Minsk qrupu ləğv edilir: Format dəyişikliyi Azərbaycana nə vəd edir? – Bu dövlətlər bir araya gəlsə...

 

Qeyd edək ki, Minsk qrupuna üzv ölkələr arasında Rusiya, ABŞ,  Fransa Slovakiya, Çexiya, Türkiyə və İtaliya da yer alır. 

 

Məsələ ilə bağlı Sfera.az-a açıqlama verən deputat Elman Məmmədov Minsk qrupunda format dəyişikliyinin ola biləcəyini deyib. Millət vəkili həmsədrlərin neytral dövlətlərdən seçilməsinin daha düzgün olduğunu bildirib:

"ATƏT Fransa, Rusiya kimi ermənipərəst dövlətlərdən ibarət deyil. Onların vasitəçiliyinə 44 günlük müharibədə ehtiyac qalmadı. Onların işi daha çox işğalın uzadılmasına xidmət edirdi. Bu qrupun əvvəlki formatı qəbuledilməzdir. Minsk qrupunun başqa ölkələrdən ibarət həmsədrlərdən təşkili mümkündür. Prezident də nitqində həmin ölkələrin hansı işləri görməsi ilə bağlı suallar ünvanlayıb. Hansısa problemin həlli üçün  neytral və ədalətli  mövqe sərgiləyən dövlətlərin formatda cəmlənməsi ağılabatandır.  Lakin indi Ermənistanla Azərbaycan arasında sülh müqaviləsinin imzalanması, sərhədlərin dəqiqləşdirilməsi, separatizmin təmizlənməsi üçün ən optimal variant iki dövlət başçısının təkbətək danışmasıdır”. 

"Problemli məsələlərin həlli üçün müdaxilə edən dördüncü, beşinci dövlətlər hadisələrə öz maraqları daxilində baxmağa çalışırlar. Bu gün nə Rusiya, nə də Qərb ölkələri Cənubi Qafqazda münaqişənin sonlanmasında maraqlıdırlar. Onlar müəyyən yollarla problemi qüvvədə saxlamağa çalışır, bununla bölgədə təsir rıçaqlarını qoruyurlar. Artıq sülh müqaviləsi imzalandıqdan sonra onlara gərək qalmayacaq”.