Səhiyyə nazirini qaçırmaq istədilər – 12 nəfərlik cinayətkar qrup YAXALANDI
Media
15:56 / 14.04.2022
1379
Almaniyada Səhiyyə naziri Karl Lauterbaxı qaçırmağı planlaşdıran 4 nəfər saxlanılıb.
Sfera.az xəbər verir ki, saxlanılanlar da daxil olmaqla, ümumilikdə 12 nəfər barəsində bu məsələ üzrə istintaq başladılıb.
Bildirilib ki, onlar Səhiyyə naziri Lauterbaxı qaçırmaqdan başqa, mühüm elektrik stansiyalarına qarşı təxribat aksiyaları həyata keçirərək ölkə daxilində xaos yaratmağı hədəfləyiblər.
İstintaq çərçivəsində müxtəlif ştatlardakı 21 yaşayış məntəqəsində axtarış aparılıb, 4 nəfər saxlanılıb.
Polisin basqınları zamanı silah-sursat - Kalaşnikov avtomatı, döyüş sursatı, o cümlədən 12 min avro nağd pul, qızıl külçələr və gümüş sikkələr, çoxlu sayda saxta COVID-19 peyvəndi sertifikatları və COVID-19 test sənədləri ələ keçirilib.
Əzizə Zeynal
Sfera.az
