Ukrayna Prezidentinin xanımı Yelena Zelenskaya məşhur "Vogue” jurnalına müsahibə verib.
Sfera.az xəbər verir ki, Ukraynanın birinci xanımı müharibə ilə bağlı bəzi detallara toxunub. O, bütün ukraynalıların acı içərisində olduğuna diqqət çəkib:
"Biz hamımız birinci növbədə ukraynalıyıq, qalan hər şey ondan sonra gəlir. Bizi parçalamaq,daxili qarşıdurma yaratmaq istəyirdilər, amma ukraynalılarla bunu etmək mümkün deyil. Birimizə işgəncə verildikdə, zorlananda və ya öldürüləndə hamımız işgəncə, təcavüz və ya öldüyümüzü hiss edirik. Vətəndaş şüurunu hiss edib müqavimət göstərmək üçün təbliğata ehtiyacımız yoxdur".
Prezident xanımı müharibə ilə bağlı ilk dəfə ağladığı anı da müsahibəsi zamanı bölüşüb:
"Müharibənin ilk həftəsində yaxınlarımın harada olduğunu, sağ olub-olmadığını öyrənmək üçün telefon zəngləri etdim. İlk dəfə bunu anlayanda ağladım. Onları bir daha görüb-görməyəcəyimi bilmirdim. Ukraynalı kişilərin hamısını geyinib cəbhəyə qaçanları xatırlayacam. Ukraynalı qadınların, qadın dostlarımın cəsarətini heç vaxt unutmayacam. Sülh dövründə nəzakətli davranan qadınların müharibə zamanı necə şücaət abidəsinə çevrildiyini görün. Onlar məni ruhlandırdılar. Hamısı ilə çox qürur duyuram. Hamısını bir daha görəcəyimə ümid edirəm".
Əzizə Zeynal
Sfera.az
