Çexiya öz ərazisində ABŞ hərbi bazasının yaradılmasını istəyir

 

Sfera.az bildirir ki, bu barədə ölkənin müdafiə naziri Yana Çernoxova məlumat verib. 

ABŞ dövlət katibi Antoni Blinkenlə görüşündə Çexiya ərazisində ABŞ bazasının qurulmasını tələb edəcəyini deyən nazir, "Təfərrüatlar haqqında danışmaq istəmirəm, amma razılaşma əldə etmək bizim üçün vacibdir”, - deyə bildirib. 

O, həmçinin ABŞ-a səfəri zamanı ölkəsinin bəzi hərbi texnika, xüsusən də helikopterlərin alınması ilə bağlı danışıqlar aparacağını əlavə edib:

"Məqsədim 12-dən çox helikopter almaqdır. Bütün proseslər sürətləndirilməlidir. Biz bütün hərbi texnika istiqamətində müraciətlər üçün növbədəyik, çünki hazırda hər şeyə çox tələbat var”.

Çexiyanın Baş naziri Petr Fiala isə  "Əlbəttə, biz öz təhlükəsizliyimizi təmin etmək, Şimali Atlantika Müqaviləsi Təşkilatının (NATO) şərq cinahını gücləndirmək və bu gün Rusiya prezidenti Vladimir Putinin təcavüzkar siyasətinə qarşı mübarizə aparmaq üçün çalışırıq. Bu, Senat və Nümayəndələr Palatasının təsdiqini tələb edən qərardır və bunun üçün vaxt lazım ola bilər”, - deyə söyləyib.

Digər tərəfdən, ABŞ diplomatik qaynaqlarından alınan məlumata görə, Çexiyada tam hüquqlu ABŞ hərbi bazasının qurulmasının qətiliklə gündəmdə olmadığı öyrənilib.