Bu səbəblər dolları bahalaşdırır, Azərbaycan manatına təsir edir - TƏHLİL
Media
13:06 / 12.04.2022
3945
Bu gün beynəlxalq birjalar açılanda Dollar İndeksi bir qədər də yüksələrək 100 həddini ötüb. Sonuncü dəfə indeksin 100 həddini ötməsinə 2017-ci ilin fevralında rast gəlinmişdi.
Sfera.az xəbər verir ki, indeksin yüksəlməsi dolların avro, funt sterlinq, Isveçrə frankı, yuan kimi aparıcı valyutalar qarşısında bahalaşmasının göstəricisidir.
İndeksin yüksəlməsinə ABŞ-da həm faizlərin artırılması, həm də inflyasiyanın bir qədər də güclənməsi ehtimalları kömək edib. Son məlumata əsasən, ABŞ-da illik inflyasiya 7,6 faiz olub. Mart ayı üçün açıqlanacaq məlumatda inflyasiya səviyyəsinin bir qədər də artacağı ehtimal edilir.
Bu ehtimal daxilində ABŞ-da faizlərin daha da artırılması realdır.
Buna görə də, son günlər ABŞ-da xəzinə qiymətli kağızları, dövlət iqtiqrazları bahalaşır. Qiymətli kağızların bahalaşması isə öz növbəsində Dollar İndeksini yüksəldir.
Dollar İndeksinin yüksəlməsi dolların bahalaşması deməkdir. Dolların bahalaşması isə Azərbaycan manatının da bahalaşmasıdır. Çünki manatın digər valyutalara nisbətən məzənnəsi məhz dollarla olan kursu əsasında müəyyənləşdi. Bu gün də manat əksər valyutalara nisbətən bahalaşıb.
Vasif
Sfera.az
