Ukrayna-Rusiya arasında SON VƏZİYYƏT - Yeni danışıqlar olacaqlar?
Media
16:13 / 31.03.2022
1574
Rusiya Federasiyası Prezidentinin mətbuat katibi Dmitri Peskov Rusiya və Ukrayna arasında keçiriləcək növbəti görüş barədə açıqlama verib.
Sfera.az "RİA Novosti"yə istinadən xəbər verir ki, Peskov Rusiya Federasiyası ilə Ukrayna arasında danışıqların aprelin 1-də mümkün bərpası ilə bağlı yayılan məlumatlara cavab verib.
O, görüşlə bağlı razılığın əldə olunacağı təqirdə Kremlin məlumat verəcəyini qeyd edib.
"Ukrayna Prezidenti Vladimir Zelenski və Rusiya Prezidenti Vladimir Putin arasında görüş keçirilmədən əvvəl müqavilənin mətni üzərində iş yekunlaşdırılmalı, mətn yüksək vəzifəli şəxslər tərəfindən təsdiqlənməlidir və paraflanmalıdır. Ancaq bundan sonra sammit görüşündən danışmaq olar”, - deyə Peskov bildirib.
Xatırladaq ki, Rusiya və Ukrayna rəsmiləri arasında son danışıqlar martın 29-da İstanbulda keçirilib.
Əzizə Zeynal
Sfera.az
