Ukraynaya qarşı Rusiyadan YENİ PLAN - Təcrübəli suriyalı döyüşçüləri toplayır
Media
11:48 / 07.03.2022
2383
Rusiya Ukrayna müharibəsində təcrübəli suriyalı döyüşçülər axtarır.
Sfera.az xəbər verir ki, bu iddia ilə ABŞ-nin "Wall Street Journal” (WSJ) jurnalı çıxış edib. Media orqanı bəzi yüksək rütbəli Amerika rəsmilərinə əsaslanan xəbərlərində Moskva administrasiyasının Ukraynadakı müharibənin gedişatına uyğun olaraq yeni üsullar axtardığını yazıb.
Jurnal Ukraynada, xüsusilə Kiyevdə şəhər müharibəsi ehtimalının artmasının ardından Rusiyanın suriyalı döyüşçüləri topladığını iddia edib.
Xəbərdə Rusiyanın Suriyada şəhər döyüşlərində təcrübəli əcnəbi döyüşçüləri diqqət mərkəzində saxladığı, Kiyevə topladığı və bu insanlara müəyyən maaş və məhdud müddət üçün müqavilə təklif etdiyi bildirilib.
ABŞ rəsmiləri bildiriblər ki, indiyədək bu prosesdə neçə suriyalı əcnəbi döyüşçünün toplandığı və ya bu şəxslərin Ukraynaya nə vaxt göndəriləcəyi kimi təfərrüatlar hələlik bəlli deyil.
Ukrayna Prezidenti Vladimir Zelenski də müxtəlif ölkələrdən 16 mindən çox əcnəbi döyüşçünün Ukrayna lehinə döyüşmək üçün müraciət etdiyini açıqlayıb.
Əzizə Zeynal
