Neftin qiyməti 130 dollara yüksəldi - Sürətlə bahalaşmanın SƏBƏBİ
Media
10:47 / 07.03.2022
897
Bu gün birjalar açılanda neftin qiymətlərində növbəti sıçrayış qeydə alınıb.
Vasif
Sfera.az xəbər verir ki, ilk saatlardan "Brent” markalı neftin qiyməti 10 faizdən çox artaraq 130 dollara çatıb. Ötən həftənin sonu neftin qiyməti 118 dollar idi.
Neftin sürətlə bahalaşmasına fevralın 25-də Rusiyanın Ukraynaya hərbi təcavüzü səbəb olub. Həmin tarixdən bəri neft 35 dollar və ya 37 faiz bahalaşıb.
Bu gün qeydə alınan bahalaşma isə ABŞ-nin gözlənilən qərarı ilə bağlıdır. Rusiyadan ən çox neft alan ölkələrdən biri ABŞ-dir və rəsmi Vaşinqton Rusiyadan neft idxalına qadağa qoymağa hazırlaşır. Bu rəsmi xəbər neftin daha çox bahalaşmasına səbəb olub. "Brent” neftinin qiymətində sonuncu dəfə belə yüksək qiymət 2012-ci ilin yanvarında qeydə alınmışdı. Hazırkı qiymətlər son 10 ilin ən yüksək qiymətidir.
İndiyə qədər ən yüksək qiymət isə 2008-ci ilin may ayında olub. Həmin tarixdə "Brent” nefti 141 dollara satılmışdı. Azərbaycan neftinin qiyməti ötən həftəsonu 119 dollara çatmışdı. Əgər bu gün "Brent” nefti 130 dollara stılarsa, o halda, Azərbaycan neftinin qiyməti 132-135 dollara alıcı tapacaq.
Vasif
