Ukraynalıların 82 faizi qələbəyə inanır
Media
15:41 / 05.03.2022
1737
Ukraynalılar Rusiyanın hücumunu dəf etmək qabiliyyətinə (82%) və Ukraynanın müharibədən sonra daha da güclənəcəyinə (77%) inanırlar.
Sfera.az UNİAN-a istinadən xəbər verir ki, bunu "Gradus Research” tədqiqat şirkətinin keçirdiyi sorğunun nəticələri üzə çıxarıb.
Sorğunun nəticələri göstərir ki, Rusiyanın hərbi təcavüzünə görə Ukrayna əhalisinin 62 faizi qəzəblidir. Ukraynalılar hesab edir ki, qələbə üçün 2 əsas amil - silahlı qüvvələrinin gücü və Ukrayna cəmiyyətinin birliyi, müqaviməti vacibdir.
Ölkənin bütün regionlarında əksəriyyət Ukraynanın Rusiyanın hücumunu dəf etməyə qadir olduğuna əmindir.
Respondentlərin 70 faizi hesab edir ki, müharibənin Rusiya üçün əsas nəticələri qlobal təcrid və iqtisadi tənəzzül olacaq.
Vasif
Sfera.az
