Ukrayna məhv etdiyi Rusiyaya aid aviasiya texnikalarının sayını AÇIQLADI
Media
11:03 / 05.03.2022
787
"Rusiya-Ukrayna müharibəsi başlayandan bəri Ukrayna Silahlı Qüvvələri Rusiyaya aid olan ən azı 39 təyyarəni və 40 helikopteri məhv edib”.
Sfera.az UNİAN-a istinadən xəbər verir ki, bu barədə Ukrayna Müdafiə Nazirliyinin mətbuat xidməti məlumat yayıb.
Məlumatda qeyd olunur ki, ölkənin hava hücumundan müdafiə qüvvələri dünən Rusiyaya məxsus 3 ədəd Su-25 qırıcı təyyarəsini məhv edib. Onlardan ikisi Çerniqov vilayətində, biri isə Donetsk vilayətinin Volnovaxa yaxınlığında vurulub.
Bundan başqa, ötən gün Rusiyaya məxsus 3 helikopter də məhv edilib.
Nazirlik bildirir ki, müharibənin başladığı 9 gün ərzində isə Ukraynanın hava hücumundan müdafiə qüvvələri ən azı 39 Rusiya təyyarəsini və 40 helikopterini məhv edib:
"Ukraynaya hərbi müdaxilədən öncə Rusiya ordusu Ukrayna sərhədləri ətrafında 700 ədəd aviasiya texnikası cəmləşdirmişdi. Bunlardan 450-yə yaxını təyyarə və 250-dən çoxu helikopter idi".
Vasif
Sfera.az
