Sfera.az bildirir ki, tanınmış simalar istər ölkədə, istərsə də xaricdə bir çox yerlərə sərmayə qoymağa davam edirlər. Necati Şaşmaz, Kənan İmirzalıoğlu və Hülya Avşar kimi məşhurların sahib olduğu daşınmaz əmlakların siyahısı sevənlərini təəccübləndirib.

 

Hazırda "Kim milyonçu olmaq istəyir?”  verilişinin aparıcısı  olan, aktyor Kənan İmirzalıoğlu bir çox evlə yanaşı, Tekirdağ Çerkezköydə 10 hektar torpaq da alıb.

Yaxın günlərdə yeni layihə ilə ekranlara qayıdacağını açıqlayan aktyor Necati Şaşmaz isə 2 milyon 600 min dollar ödəyərək İstanbulda iqamətgah alıb. Onun, həmçinin Ataşehir yaşayış kompleksində 50, Şişli Bomontidəki kompleksdə isə 18 mənzili, 1 süpermarketi və çox sayda böyük ərazisi var.

Son zamanlar şəxsi həyatı ilə gündəmə gələn Hülya Avşar da qazancını daşınmaz əmlaka qoyan məşhurlardadır. Müğənninin İstanbul, Bodrum, Ayvalık, Londonda daşınmaz əmlakı, İstanbul Rivada 900 sot torpağı var.

Müğənni Yıldız Tilbe isə İstanbulda yerləşən lüks kompleksdə 3 mənzil sahibidir. İzmirdə də daşınmaz əmlak investisiyaları edən ifaçının burada 1 ferma, 2 qış evi və çoxlu torpaq sahəsi olduğu deyilir.

İstanbulda 30 mənzili və mağazası olan ifaçı Seda Sayanın həm də Bodrumda 3 villası var. Bununla yanaşı, Sayanın London və Mayamidə də evlərinin olduğu bilinir. Müğənninin aylıq kirayə gəliri 500 min lirədir.

Digər tanınmış sima, müğənni Emrahın 100-ə yaxın daşınmaz əmlak sahibi olduğu iddia edilir. Məlumata görə, o, hər ay bunlardan 250 min dollar gəlir əldə edir.