Bakıda motosikletlə "əzrayılın radarına düşənlər" - Qəzalar niyə kəskin artıb?
Media
16:06 / 02.03.2022
2001
Bakıda motosiklet qəzalarının sayı artıb.
Kliniki Tibbi Mərkəzdən Sfera.az-a verilən məlumata görə, təkcə ötən gün müxtəlif motosiklet qəzalarından xəstəxanaya 6 yaralı gətirilib.
Məlumata əsasən, gətirilən yaralılardan 3 nəfərin vəziyyəti nisbətən ağır olduğuna görə xəstəxanaya yerləşdirilib, digər 3 nəfər isə ilkin tibbi yardım göstərildikdən sonra evə buraxılıb.
Kliniki Tibbi Mərkəzin Təcili və Təxirəsalınmaz Tibbi Yardım şöbəsinin müdiri Aydın Əlizadənin sözlərinə görə bu cür qəzalar demək olar ki, hər gün baş verir:
"Gündəlik olaraq bir və ya bir neçə motosiklet qəzasından yaralılar gəlir. Bunların böyük əksəriyyəti qida çatdırılması ilə və ya kuryerliklə məşğul olan sürücülərdir. Ötən gün 5 belə qəza baş verib ki, nəticədə 6 yaralı gətirilib. Onlardan biri hətta piyadanı vurmuşdu və hər ikisi yaralanmışdılar”.
Qeyd edək ki, hər ay motosiklet qəzalarında yaralananların sayında artım baş verir.
Günay Rəsulqızı
Sfera.az
