Rubla ikinci zərbəni FED vuracaq
Media
14:54 / 02.03.2022
1827
Sanksiyalar səbəbindən ucuzlaşan Rusiya rubluna daha bir zərbəni ABŞ mərkəzi bankı (FED) vuracaq.
Sfera.az xatırladır ki, sanksiyalardan sonra dolların rus rubluna qarşı məzənnəsi 83 səviyyəsindən 108 səviyyəsinə qədər yüksəlib. Daha sonra məzənnə 91,5 səviyyəsinə ensə də bu gün yenidən 108,6 həddinə çatıb.
Rubl martda bir qədər də ucuzlaşacaq. Çünki FED-in martda faizləri artırması gözlənilir. Hazırda 0-0,25 olan uçot dərəcəsinin 0,5-0,75 səviyyəsinə qaldırılacağı proqnozlaşdırılır.
Lakin bu da son olmayacaq və 2022-ci il ərzində faizlərə daha bir neçə dəfə artırılacaq.
Faizlərin artırılmasından sonra dolların bahalaşacağı ehtimal edilir. Bu halda dolların rubla nisbətən 120-yə yüksələcəyi proqnozlaşdırılır.
Vasif
