Bunu mövcud müharibə səbəbilə bir sıra ölkələrin Rusiya ilə hava məkanını bağlaması ilə turizmə dəyən zərər və buna adekvat olaraq daxili turizmin inkişafını şərh edən Azərbaycan Turizm Agentlikləri Assosiasiyasının nümayəndəsi Göydəniz Qəhrəmanov Sfera.az-a açıqlamasında deyib

 

"Rusiya və Ukrayna arasında baş verən müharibə turizm sektoruna böyük zərbədir. Çünki il ərzində həm Ukraynadan, həm də Rusiyadan milyonlarla turist istirahət üçün digər ölkələrə üz tutur. Həmin ölkələr isə bilmirlər ki, bu sezon Rusiyadan turist qəbul edə biləcəklər, ya yox. Bu da o deməkdir ki, o ölkələrdəki turzim sektorları böhranla üzləşəcək. Ümid edirik ki, yaxın vaxtlarda müharibə səngiyəcək və turistlərin bir qismi yay fəslində istirahətlərini həmişə olduğu kimi təşkil edəcəklər. Rusiyadan Avropa ölkələrinə uçuşların ləğvi logistika sisteminə mənfi təsir edir”. 

Ekspert Rusiyanın daxili turizmi inkişaf etdirməsi məsələsi barədə də danışıb:

"Rusiyanın daxili bazarlarına gəldikdə isə, milyonlarla turistə lazımınca xidmət göstərə biləcəklərini düşünmürəm. Belə ki, Türkiyə otellərinin verdiyi yüksək xidməti çox nadir halda hansısa ölkə təqdim edə bilir. Bundan əlavə, onlar qiymət siyasətində daha loyaldırlar. Ona görə də Rusiya və Ukraynanın bu məsələdə çətinlikləri olacaq. Ümid edirik ki, qısa zamanda müharibə dayanacaq və turizm sektoru öz işini bərpa edəcək”.