"Ukrayna gözəli" silaha qurşandı: "Sərhədimizi işğal niyyəti ilə keçən hər kəs öldürüləcək” - FOTO
12:51 / 28.02.2022
711
2015-ci ildə "Miss Grand International” gözəllik yarışında Ukraynanı təmsil edən keçmiş "Ukrayna gözəli” Anastasiya Lennanın son paylaşımları gündəm olub.
Sfera.az bildirir ki, model ölkəsinin sərhədini keçən rus işğalçılarını güllələyəcəyinə söz verib. O, bu barədə sosial media hesabından paylaşım edib. Məlumata görə, Lenna rus ordusuna qarşı vuruşmaq qərarına gələrək tacını ordu çəkmələri və avtomat tüfənglə dəyişib.
"Ukrayna sərhədini işğal etmək niyyəti ilə keçən hər kəs torpaqlarımızda öldürüləcək”, - deyən Anastasiya fikirlərinə bu cür davam edib: "Bütün dünya bunun şahidi olacaq. Gözləyin və nəyin olacağını görün! Bir gün hər kəs ölümü dadacaq. O gün gəldi”.
Xatırladaq ki, beş dildə danışan Anastasiya Kiyevin Slavistik Universitetində marketinq və menecment üzrə təhsil alıb. Daha sonra o, Türkiyədə model və ictimaiyyətlə əlaqələr üzrə menecer kimi çalışıb.
Türkan
Sfera.az
