Əmanətlərin məbləği sürətlə artır
İqtisadiyyat
15:16 / 22.02.2022
1221
2022-ci ilin yanvarın sonuna olan məlumata əsasən, əhalinin banklarda 9,636 milyard manat məbləğində əmanəti var.
Sfera.az xəbər verir ki, bu, dekabrın sonunda olan məbləğdən 394 milyon manat, yəni 4,26 faiz çoxdur.
Son aylarda əhalinin banklarda olan əmanətlərinin həcmində sürətli artım müşahidə edilir. Bir il əvvəlki dövrlə müqayisədə əmanətlərin məbləğinin 1,256 milyard manat (15 faiz) artmasını görürük.
Əmanətlərin artması birmənalı olaraq manatla yığımların sürətlə artması ilə bağlıdır. Son məlumata əsasən, əmanətlərin 5,85 milyard manatı milli valyutada saxlanılıb ki, bu da cəmi əmanətlərin 60,7 faizi deməkdir.
Son bir ildə manatla əmanətlərdə 1,67 milyard manat, yəni 40 faiz artım qeydə alınıb.
Xarici valyutada olan əmanətlər isə əksinə, 4,2 milyard manatdan 3,79 milyard manata qədər azalıb.
Vasif
Sfera.az
