Azərbaycan pomidor ixracını yenidən artırır
İqtisadiyyat
11:11 / 19.02.2022
860
Azərbaycan bu il pomidor ixracını yenidən artırır.
Sfera.az xəbər verir ki, bu ilin yanvarında xaricə satılan pomidorun dəyəri ötən ilin yanvarına nisbətən 2 dəfə böyük olub.
2021-ci ilin ilk ayında xaricə 6,8 milyon dollar dəyərində 7 min ton pomidor satan Azərbaycan sahibkarları cari ilin ilk ayında satış dəyərini 13,7 milyon dollara, satış miqdarını isə 11,5 min tona çatdırıblar. Orta hesabla pomidorun bir tonu 1 191 dollardan (kiloqramı 2,024 manat) satılıb.
Pomidor ixracının artması tərəvəz ixracının da kəskin artmasına səbəb olub. Birinci ayda tərəvəz ixracı dəyər ifadəsində 83 faiz, miqdar ifadəsində 57 faiz artıb. Yanvarda Azərbaycan 15,4 milyon dollar dəyərində 13,3 min ton tərəvəz ixrac edib.
Xatırladaq ki, Azərbaycandan ixrac edilən pomidorun əsas alıcısı Rusiyadır. Ötən il Rusiyanın müxtəlif səbəblərdən pomidor idxalını azaltması Azərbaycanın pomidor ixracına mənfi təsir etmişdi.
Vasif
