Bu il ən çox bahalaşan ərzaq məhsulları - SİYAHI

 

Sfera.az Komitəyə istinadən xəbər verir ki, yanvarda ərzaq məhsulları 2,6 faiz, son bir ildə isə 17,5 faiz bahalaşıb.

Yanvarda ay ərzində qiyməti ən çox artan ərzaq məhsulu çörək olub. Çörəyin qiyməti 6,1 faiz artıb.

Bahalaşma sürətinə görə növbəti yerləri 4,6 faizlə meyvələr, 4,2 faizlə tərəvəzlər, 1,8 faizlə balıqlar, 1,4 faizlə ət və ət məhsulları, 1,3 faizlə süd və süd məhsulları tutub.

Yanvarda yalnız yumurta ucuzlaşıb.

Ümumiyyətlə, cari ilin yanvarında əvvəlki aya nisbətən ayrı-ayrı ərzaq məhsullarından daha çox bahalaşma çörəyin, unun, qarabaşaq yarmasının, makaron məmulatlarının, qoyun, mal və toyuq ətinin, təzə və dondurulmuş balığın, pendirin, kəsmiyin, xamanın, qatılaşdırılmış şəkərli və sterilizə olunmuş üzlü südün, kərə yağının, narın, heyvanın, naringinin, xurmanın, bananın, almanın, armudun, xiyarın, pomidorun, balqabağın, kartofun, soğanın, sarımsağın, mərcinin, şəkər və şəkər tozunun, konfetlərin, kakao tozunun, limonadın, pivənin, arağın, tütün məmulatlarının, ucuzlaşma isə əsasən yumurtanın, portağalın, kələmin, çuğundurun və yerkökünün qiymətlərində müşahidə olunub. Digər ərzaq məhsullarının qiymətlərində ciddi dəyişikliklər baş verməyib.