Neft bu tarixdən sonra ucuzlaşmağa başlayacaq
İqtisadiyyat
11:17 / 09.02.2022
522
ABŞ Energetika Nazirliyinin Enerji İnformasiya Administrasiyasının (EİA) aylıq proqnozuna əsasən, 2022-ci ildə qlobal neft istehlakı sutkada 100,61 milyon barel təşkil edəcək.
Sfera.az bildirir ki, bu, 2021-ci ildəkindən 3,5 milyon barel çoxdur. Ötən il neftə gündəlik tələb 97,11 milyon barel idi.
Administrasiyanın bir ay əvvəl apardığı qiymətləndirmədə 2022-ci ildə gündəlik neft istehlakının 100,5 milyon barel olacağı proqnozlaşdırılmışdı.
EIA-nın məlumatına görə, 2023-cü ildə neftə tələbat daha 1,9 milyon barel artaraq 102,48 milyon barel olacaq. Bununla belə EIA hesab edir ki, bu il neft qiymətləri tədricən azalacaq:
""Brent” markalı neftin bir barelinin orta qiyməti 90 dollardır. Bununla belə, biz neft ehtiyatlarının mart ayında bərpa olunmağa başlayacağını və neftin qiymətlərinin aşağı düşməsinə səbəb olacağını gözləyirik. Biz azalma proqnozlaşdırırıq. Brent markalı neftin qiymətinin 22-ci rübdə orta hesabla 87 dollar/barel, 2022-ci ilin dördüncü rübündə isə 75 dollar/barelə çatacağını gözləyirik”.
Energetika Nazirliyinin məlumatına görə, 2022-ci ilin yanvar ayında dünyada neftə sutkalıq tələb 99 milyon barelə çatıb ki, bu da bir il əvvəlkindən 6,6 milyon barel çoxdur. 2022-ci ilin ikinci rübündə tələbin fevralın 9-da sutkada 100,04 milyon barel olacağı gözlənilir.
Vasif
Sfera.az
