“Magistraturaya hazırlaşan bakalavrlara ikinci şans verilməlidir...” – Kamran Əsədov

Bəzi şəxslər ötən il sərt karantin zərurəti ilə ikinci imtahanın keçirilməsinin labüd olduğunu deyərək, bu il yenidən imtahana gərək olmadığını düşünür.

 

Mövzu ilə bağlı Sfera.az-a danışan təhsil eksperti Kamran Əsədov fevralın 20-i keçiriləcək magistr imtahanlarına əksər bakalavrın müraciət etmədiyini və imtahanların erkən keçirildiyini deyib:

"İlk növbədə qeyd edim ki, iki ildir ki, pandemiya Azərbaycanda imtahanların keçirilməsinə çox ciddi təsir göstərib. Həm abituriyentlər, həm də magistraturaya hazırlaşan bakalavrlar bunun əziyyətini çəkirlər. Öncədən planlaşdırılmış imtahanlar demək olar ki, vaxtında keçirilmir. Bu il Dövlət İmtahan Mərkəzi fevralın 20-də magistraturaya qəbul imtahanının birinci mərhələsini keçirəcək. İmtahanların belə erkən keçirilməsi ilə əlaqədar bakalavrlarımızın çətinlikləri var. Bu baxımdan onlar ikinci imtahanın keçirilməsinə ümid edirlər”.

 

 

 

Əzizə Zeynal