“Metaverse”də Həcc və Ümrə ziyarəti həyata keçirilə bilərmi? - CAVAB GƏLDİ
12:35 / 02.02.2022
595
Səudiyyə Ərəbistanı Kəbə və Həcc məkanlarının simulyasiyasını virtual aləmə ("Metaverse”) daxil etdi və təbii olaraq "Virtual həcc ola bilərmi?” sualı gündəmə gəldi.
Sfera.az bildirir ki, bu barədə müzakirələrə Türkiyənin Dəyanət İşləri nazirliyinin Həcc və Ümrə xidmətləri üzrə şöbə müdiri Remzi Bircan yekun vurub. Belə ki, o, "Twitter” hesabında mövzu ilə bağlı bunları yazıb:
"Həcc müəyyən vaxt və yerlərdə edilən bir ibadət növüdür. Haremeyn Rəyasət Heyətinin açıqladığı simulyasiya layihəsi Məkkə və Mədinədə tarixi və müqəddəs yerləri maarifləndirici məqsədlərlə tanıtmaq məqsədi daşıyan rəqəmsal bir işdir. Bu cür tətbiqlərlə Həcc və Ümrə ziyarəti həyata keçirilə bilməz”.
Xatırladaq ki, yeniliyə əsasən, bundan sonra müsəlmanlar müqəddəs yerlərə getmədən Hacər-ül Əsvəd daşını (qara daş) görəcək, hətta ona toxuna biləcəklər. Həmçinin onlar ətraf mühitin qoxusunu da hiss edəcəklər. Digər tərəfdən, Səudiyyə Ərəbistanın bu qərarı birmənalı qarşılanmayıb. Bəzi müsəlmanlar bunu dinə təhqir kimi dəyərləndiriblər.
Günay Rəsulqızı
Sfera.az
