Pambıq istehsalçılarına ŞAD XƏBƏR
12:10 / 26.01.2022
471
"Azərbaycanda bu il xam pambığın fermerlərdən alış qiyməti 50 manat artırılacaq".
Sfera.az xəbər verir ki, bunu kənd təsərrüfatı naziri İnam Kərimov Salyanda pambıqçılıqla bağlı keçirilən müşavirədə deyib.
Onun sözlərinə görə, bununla da 2022-ci il məhsul yığımı mövsümündə şirkətlər pambığın hər tonunu sortundan asılı olaraq fermerlərdən 650-750 manata alacaqlar: "Bu son deyil, mövsümün gedişindən asılı olaraq pambıq şirkətlərinin alış qiymətini artırması məsələsinə bir daha baxılacaq". (report.az)
Qeyd edək ki, 2022-ci ildə xam pambığın alış qiymətinin artırılması dünya bazarında pambığın bahalaşması ilə bağlıdır. Pambıq mahlıcının bir tonunun qiyməti ötən il 1940 dollardan 2900 dollara qədər artıb. İl ərzində pambığın dəyərində 50 faiz səviyyəsində artım var.
Ehtimal ki, pambığın dəyəri 2022-ci ildə də yüksək səviyyədə qalacaq. Buna görə də pambıq istehsalçılarını stimullaşdırmaq üçün qiymətlərin artırılması müsbət haldır.
Vasif
Sfera.az
