Ötən il manat bahalaşıb
İqtisadiyyat
16:56 / 24.01.2022
1294
2021-ci ildə manatın həm nominal, həm də real effektiv məzənnəsində bahalaşma müşahidə edilib. Bu hal özünü qeyri-neft sektoru üzrə də göstərib.
Sfera.az Mərkəzi Banka istinadən xəbər verir ki, qeyri-neft sektoru üzrə nominal effektiv məzənnə 14,1 faiz yüksəlib. Devalvasiyanın baş verdiyi 2015-ci illə müqayisədə isə qeyri-neft sektoru üzrə manatın effektiv məzənnəsi 2,6 faiz ucuzlaşıb.
Qeyri-neft sektoru üzrə manatın real məzənnəsinin yüksəlməsi həm son bir illik, həm də son 6 illik dövrdə baş verib. 2015-ci illə müqayisədə manatın real məzənnəsi 1,6 faiz, son bir ildə 12,1 faiz bahalaşıb.
Qeyd edək ki, manatın real effektiv məzənnəsinin qeyri-neft sektoru üzrə yüksəlməsi o anlamı verir ki, Azərbaycanda illik inflyasiya əsas ticarət tərəfdaşlarımızla müqayisədə daha yüksək olub. Manatın real effektiv məzənnəsinin artması yaxşı hal deyil. Bu vəziyyət Azərbaycanda istehsal edilən malların əsas ticarət tərəfdaşı olan ölkələrlə müqayisədə rəqabət üstünlüyünü zəiflədir.
Vasif
Sfera.az
