ASALA terror aktlarına hazırlaşır? – Bəyanat yaydı, hədələdi
14:21 / 21.01.2022
1441
Erməni
terror təşkilatı ASALA yaranmasının 47 illiyi ilə bağlı bəyanat yayıb.
İkinci
Qarabağ müharibəsi nəticəsində ermənilərin itkilərinə diqqəti çəkən terrorçu təşkilatın
bəyanatında bunlar yer alıb: "Ermənilərin gələcəyə inamı azalıb. Qarabağın
tamamilə itirilmə təhlükəsi ilə yanaşı Türkiyə ilə başlanan şübhəli dialoq nəticə
verməyəcək. ASALA Qərbi Ermənistanın azadlığı və Ermənistanın bütövlüyü uğrunda
mübarizəsini davam etdirəcək. Milli maraqlarımız və tarixi missiyasımız Türkiyənin
dağılmasına, o cümlədən erməni torpaqlarının azad olunmasına xidmət etməlidir”.
ASALA-ın
bəyanatında həm İkinci Qarabağ müharibəsi zamanı ermənilərin itkilərinin qeyd
edilməsi, həm də Türkiyə ilə başlanan dialoqu şübhəli adlandırması diqqət çəkib.
Maraqlıdır,
ASALA-nın bəyanatı Azərbaycan və Türkiyəyə qarşı erməni terrorunu aktivləşdirə
birlərmi?
Mövzu ilə
bağlı Sfera.az-a açıqlama verən politoloq Fikrət Sadıqov deyib ki, ASALA teror
təşkilatı heç bir zaman öz çirkin niyyətindən imtina etməyib və son bəyanat da
buna sübutdur:
"Həmişə olduğu
kimi bu gün də adıçəkilən təşkilatın əsas hədəfi türk və Azərbaycan vətəndaşlarına,
həmçinin ictimai-siyasi xadimlərə qarşı terror aktlarını həyata keçirməkdir. Bu
mənada ASALA-nın bu gün Azərbaycan və Türkiyə vətəndaşlarına qarşı terror
aktları həyata keçirməsi mümkündür. Tarixə nəzər salsaq, biz bunun dəfələrlə
baş verdiyini görərik”.
Politoloqun
sözlərinə görə, ASALA-nın hazırda radikal terrora keçid etməsi baş verən son
hadisələrlə əlaqədardır:
"Bildiyiniz
kimi, son zamanlar Türkiyə və Ermənistan arasında diplomatik təmaslar qurulur.
Rəsmi Ankara faktiki olaraq, regionda siyasi sabitliyin qorunması və sülh
mühitin təmin olunması üçün belə bir addım atır. Digər tərəfdən, Ermənistan tərəfi
də hazırda münasibətlərin normallaşmasında maraqlıdır. Hətta mən deyərdim ki,
bu rəsmi İrəvana yeni nəfəs gətirə biləcək bir strategji xəttdir”.
Turan
Rzayev
