AB-nin xüsusi nümayəndəsi Bakıya gəlir - Səbəb
Siyasət
15:56 / 20.01.2022
1127
"Toyvo
Klaarın Azərbaycana səfər etməsi təsadüfi deyil. Aydın məsələdir ki, təşkilat
yenidən Cənubi Qafqazda aktiv siyasi rol almaq istəyir. AB başa düşür ki, 44
günlük müharibə zamanı sərgilənən antiAzərbaycan siyasəti yanlış və mənasız
idi. Buna görə də Toyvo Klaar Azərbaycana səfər edərək Ermənistan-Azərbaycan
danışıqlarında konstruktiv təkliflər ilə çıxış edə biləcəyini göstərməyə
çalışır”.
Bu sözləri
Sfera.az-a politoloq Turab Rzayev Avropa Birliyinin (AB) Cənubi Qafqaz üzrə
xüsusi nümayəndəsi Toyvo Klaarın Azərbaycana səfər etməsini şərh edərkən deyib.
Onun
sözlərinə görə, Toyvo Klaarın Azərbaycana səfər etməsi rəsmi Parisin də
maraqlarına uyğundur:
"Məsələ
ondadır ki, 44 günlük müharibə sonrası regionda marağı olan iki aktor AB və ABŞ
regiondan uzaqlaşdı. Əvəzində isə Rusiya mövqeyini gücləndirdi Türkiyə isə Kremllə
birlikdə proseslərdə iştirak etməyə başladı. AB-in indiki halda proseslərdən kənarda
qalması rəsmi Parisin də marağına uyğun deyil. Təsadüfi deyil ki, Brüsseldə
keçirilən üçlü görüş ittifaqın regiona qayıtmaq istədiyini göstərir.
Paşinyan
Brüssel görüşündə Zəngəzurdan keçəcək dəmir yolunu elan etdi. Bu da təsadüfi
deyildi. Aydın məsələdir ki, Paşinyanı dəstəkləyən AB və rəsmi Paris bununla
faktiki olaraq prosesə qayıdacaqları təqdirdə tərəflər arasında uzlaşmanı təmin
edə biləcəyini göstərməyə çalışır.
Turan
Rzayev
