Türkiyədə xarici qüvvələr yenidən fəallaşır? - ŞƏRH
15:28 / 13.01.2022
965
Türkiyədə Milliyyətçi Hərəkat Partiyasının başqanı Dövlət Bağçalı ötən gün səs-küyə səbəb olacaq çıxış edib. O bildirib ki, Qazaxıstan hadisələri Türkiyədə də sınaqdan çıxarıla bilər. Bağçalı Türkiyədə xarici qüvvələrin yenidən fəallaşa biləcəyini istisna etməyib.
Maraqlıdır, Türkiyədə qarşıdurmaların yaradılması mümkündürmü?
Bununla bağlı Sfera.az-a açıqlama verən politoloq Əlimusa İbrahimov qeyd edib ki, Türkiyə Milliyətçi Hərəkat Partiyasının başqanı Dövlət Bağçalının Qazaxıstan hadisələrinə münasibəti, bu hadisələrin Türkiyədə də təkrarlana biləcəyini əsaslandıması sensasiya hesab oluna bilər:
"Həqiqətən də böyük dövlətlər öz ambisiyalarını həyata keçirmək üçün onlara mane yaradan digər dövlətləri sıradan çıxarır və "dünya ağalığı” istiqamətində yollarını təmizləyirlər. Türkiyə siyasətinin ağsaqqalı Dövlət Bağçalının Qazaxıstan olaylarına verdiyi qiymət tarixi təcrübə və dərin analizin nəticəsidir”.
Müsahibimizin sözlərinə görə, heç kimə sirr deyil ki, Türkiyənin regionda və dünyada apardığı müstəqil xarici siyasət qlobal gücləri narahat edir və böyük məmnuniyyətlə onlar Türkiyəni izlədiyi xarici siyasətdən geri döndərərdilər:
"Hətta 2016-cı ildə buna uğursuz cəhd də olundu. Co Bayden hakimiyyətə gəlməmişdən Türkiyədə çevriliş etmək arzusunu da heç gizlətmirdi. Amma Türkiyənin əleyhinə olan beynəlxalq güclərin burada sabitliyi pozmağa imkan və gücləri çatacaqmı? Əlbəttə ki, xeyr. Əgər belə osaydı, bunu çoxdan etmişdilər. Dövlət Bağçalının bu iddiası Türkiyəni daxili və xarici siyasətdə daha ehtiyatlı olmağa səsləyən bir xəbərdarlıqdır və indiki iqtidar tərəfindən ciddi şəkildə nəzərə alınır”.
Günay Rəsulqızı
Sfera.az
