“Xarici dil müəllimlərinin çoxu həmin dildə danışa bilmir” - Problem

"Bu gün xarici dil müəllimlərini hazırlayan bir çox ali təhsil müəssisəsi var. Misal üçün, Azərbaycan Pedaqoji Universiteti, Azərbaycan Xarici Dillər Universiteti, Slavyan Universiteti və s. Bu universitetlərin 4-cü kurslarına gedib baxsaq, 4-cü kursu bitirən şəxslərin tədris edəcəkləri dili tam mənimsəmədiklərini, bəzən isə heç bilmədiklərini görə bilərik. Yəni ali təhsil müəssisələrində də vəziyyət ürəkaçan deyil. Buna görə də bu gün Azərbaycan gəncləri xarici dil kurslarına müraciət etməli olur. Onu da deyim ki, bu kurslar heç də ucuz deyil. Bir çox hallarda bahalı olan kurslara hər kəs gedə bilmir”.