ABŞ və Rusiya arasında Cenevrədə görüşü – Orta Asiya Rusiyaya güzəştə gedilir, əvəzində...

ABŞ dövlət katibi Entoni Blinken görüşün Moskvanın NATO-nun genişlənməsi ilə bağlı narahatlığını müzakirə etmək üçün fürsət olacağını bildirib.

 

"Düşünürəm ki, burada əsas məsələ kimi Rusiyanın qərbə doğru genişlənmək istəyi və yaxud NATO-nun şərqə doğru genişlənməsinə əsaslanan qorxu hissi dayanır. Rusiya açıq şəkildə bəyan edir ki, o, NATO-nun şərqə doğru genişlənməsini, Ukraynanı üzv kimi qəbul etməsi və ən azı orada möhkəmlənməsini qəbul etmir və heç bir formada etməyəcək.

 

ABŞ heç bir halda Rusiyanın Ukrayna üzərində hər hansı formada sərəncam vermək hüququnu tanımayacaq. Bununla bağlı ilkin açıqlamaları da gördük. Cenevrə görüşlərində açıq şəkildə Blinken bildirmişdi ki, NATO-nun Gürcüstan və Ukraynanın üzvlük məsələsi onların öz seçimləridir. Həmin ölkələrin seçimləri ilə bağlı NATO heç bir öhdəlik götürməyəcək. Bu o deməkdir ki, nəinki həmin ölkələrdə hərbi varlıq və ya əməkdaşlıq, hətta onların üzvlüyünü belə NATO Rusiya ilə müzakirə etmir”.

 

"Daha sonra bu il ABŞ Senatında büdcə xərclərinin təsdiqində ABŞ Ukraynaya hərbi yardımı da ora əlavə edib. Bu da onu göstərir ki, ABŞ hərbi yardımı təkcə sözdə deyil, həm də əməldə göstərir və Ukraynanın arxasında dayanacaqlar. Ola bilər ki, burada ümumi bir ortaq nöqtə tapılsın. Belə ki, ABŞ Ukrayna və Gürcüstanın NATO-ya üzvlüyünün hələ ki, qəbul edilməyəcəyini açıqlaya bilər. Bunun əvəzində isə Rusiya həmin ölkələrə qarşı hər hansı aqresiyasının olmayacağına söz verə bilər. Blinkenin son açıqlaması ABŞ-ın hər iki ölkənin NATO-ya üzvlük məsələsində müəyyən qədər yumşalmaya işarə ola bilər. Digər bir məsələ isə Ukrayna və Gürcüstanın NATO-ya güzəştə gedilməsi qarşılığında Rusiyaya Qazaxıstan, Özbəkistan və digər Mərkəzi Asiya ölkələrində daha sərbəst fəaliyyət imkanının verilməsidir. Bu isə öz növbəsində başqa bir perspektivdir.

 

 

Əzizə Zeynal