Rusiya XİN-dən Qarabağa qayıdışla bağlı - AÇIQLAMA
Siyasət
18:08 / 30.12.2021
1159
Rusiyanın Xarici İşlər Nazirliyinin rəsmi nümayəndəsi Mariya Zaxarova bu gün keçirilən brifinqdə Ermənistanın Baş naziri Nikol Paşinyanın rəsmi İrəvanın azərbaycanlı məcburi köçkünlərin Qarabağın dağlıq hissəsinə qayıdış prosesinə dəstək, onların Xankəndidə və Qarabağın dağlıq hissəsinin kəndlərində yaşamaq hüquqlarına etiraz etməyəcəyi ilə bağlı vədinə münasibət bildirib.
Sfera.az xəbər verir ki, Zaxarova bu barədə suala cavab verərkən qeyd edib ki, bunun cavabı üç ölkə liderlərinin 2020-ci il noyabrın 9-u imzalanan bəyanatda öz əksini tapıb.
"Bəyanatın 7-ci bəndindən birbaşa sitat: Məcburi köçkünlər və qaçqınlar Birləşmiş Millətlər Təşkilatının (BMT) Qaçqınlar üzrə Ali Komissarlığı İdarəsinin nəzarəti altında Dağlıq Qarabağ ərazisinə və ona bitişik ərazilərə qayıdırlar. Buna əlavə edəcək bir şey yoxdur”, - deyə Zaxarova vurğulayıb.
