Məşhur aktyordan 4 il sonra gələn etiraf: “Tələbələrimə təcavüz etmişəm”
Maqazin
15:39 / 23.12.2021
600
Məşhur amerikalı aktyor Ceyms Frankonun son etirafı sevənlərini təəccübləndirib.
Sfera.az bildirir ki, ulduz keçmişdə rəhbərlik etdiyi aktyorluq məktəbindəki qadın tələbələrinə təcavüz etməsi ilə bağlı iddiaları 4 ildən sonra qəbul edib.
"The Jess Cagle Podcast” verilişinin canlı yayımında danışan aktyor tələbələri ilə münasibətə girdiyini və bunun yanlış olduğunu etiraf edib. Həmin zamanlarda ağlının başında olmadığını deyən 43 yaşlı məşhur təhsil verdiyi məktəbi qadınlarla tanışmaq və cinsi istismar etmək üçün açmadığını söyləyib.
"Həmin vaxt səssiz qaldım. Mənə əsəbi olan insanlar var idi, onları dinləməli idim”, - deyə Ceyms əlavə edib.
Xatırladaq ki, 4 il əvvəl "Los Angeles Times” qəzetinə danışan 5 qadın dərslərdə məşhur aktyorun "uyğun olmayan rəftarına” məruz qaldıqlarını bildirmişdi. Həmin vaxt səssiz qalan aktyor iyul ayında ona qarşı açılan təcavüz iddiasında 2,2 milyon dollar ödəməyə razı olmuşdu.
Türkan
Sfera.az
