2022-ci ildə qlobal iqtisadiyyat üçün əsas risklər müəyyənləşib
İqtisadiyyat
15:25 / 23.12.2021
458
Dünyanın tanınmış marketin şirkəti olan
"Markets Live Global” bazar iştirakçıları (investorlar, istehsalçı şirkətlər,
banklar və s.) arasında "2022-ci ildə qlobal iqtisadiyyat üçün gözlənilən təhlükələr”lə
bağlı sorğu keçirib. Sorğuda 700-ə yaxın respondent iştirak edib.
Sfera.az "Bloomberg”ə istinadən xəbər verir
ki, sorğuda iştirak edənlərin böyük hissəsi qlobal iqtisadiyyat üçün ən böyük
risklərin inflyasiya, koronavirus və geosiyasi gərginlik olduğunu bildirib.
Respondentlərin 30 faizindən çoxu "2022-ci ildə
onları ən çox narahat edən nədir” sualına "inflyasiya” cavabını verib.
Respondentlər bildiriblər ki, yüksək inflyasiya səbəbindən mərkəzi bankların pul-kredit
siyasətində sərtləşmə olacaq.
Respondentlərin 25 faizindən çoxu
koronavirusdan narahat olduqlarını, təxminən yarısı isə yeni variantdan narahat
olduqlarını deyiblər.
Respondentlər hökumətlərin yeni məhdudiyyətləri
və ya mərkəzi bankların siyasətə düzəlişləri ilə bağlı narahatdırlar.
Sorğu iştirakçılarının təxminən 23 faizi
geosiyasi gərginliyi, 16 faizi isə müharibə və ya münaqişə riskini qeyd edib.
Bu mənada ən böyük narahatlıq mənbəyinin Çin-Tayvan, Rusiya-Ukrayna arasındakı
gərginliyin olduğu qeyd edilib.
Vasif
