Avropada qaz böhranı dərinləşir – qiymətlər 2100 dolları ötüb
13:15 / 22.12.2021
867
Avropanın
likvidli qaz satış qovşaqlarından hesab edilən Niderlandın TTF platformasında
spot qaz qiymətləri min kubmetr üçün 2100 dollara çatıb.
Dünən
gün ərzində isə Avropada qazın qiyməti bir neçə dəfə rekord vuraraq 2 190
dollara yüksəlmişdi.
Sfera.az
bildirir ki, Avropada qazın qiymətinin yenidən sürətlə artmasını şərh edən
neft-qaz sahəsi üzrə ekspert Zəfər Vəliyev bahalaşmanı Avropa İttifaqında tələbatın
artması, qaz idxalı ilə bağlı problemlərin yaranması və gərgin beynəlxalq
mühitlə əlaqələndirdi. Ekspertin fikrincə, Avropada qaz qiymətlərinin yuxarı həddini
"Qazprom"un hərəkətləri müəyyən edəcək.
Qeyd edək
ki, Yunanıstanın energetika naziri Kostas Skrekas enerji böhranının Avropaya
350 milyard avroya başa gələcəyini bildirib. "Bazar mütəxəssislərinin
proqnozları təsdiqlənərsə, 2022-ci ildə elektrik enerjisi və qazın bahalaşması
səbəbindən Avropa İttifaqı vətəndaşları 350 milyard avrodan çox pul ödəməli
olacaqlar”, - deyən yunan nazir Avropa İttifaqı ölkələrindəki hazırkı vəziyyəti
"ağır günlər” adlandırıb.
Vasif
