Dollar bahalaşdı, Cem Yılmaz ödədiyi alimentə görə məhkəməyə müraciət etdi

 

Sfera.az bildirir ki, şoumenin keçmiş həyat yoldaşı Ahu Yağtuya açdığı  aliment davasında 1996-cı il Türkiyə gözəli Pınar Özçapkın və azyaşlının sürücüsü Ali Elbasan şahid olaraq dinlənilib. Məhkəməyə Yılmaz və Yağtu qatılmayıb, tərəfləri vəkilləri təmsil edib. Gizli keçirilən davaya mətbuat nümayəndələri buraxılmayıb.  Məhkəmə  şahid ifadələrinə qarşı  iddiaçının vəkillərinin cavab verməsi üçün iclası təxirə salıb.

Qeyd edək ki, 8 il boyu oğluna 10 min dollar ödəyən Cem Yılmaz alimentin azaldılması üçün İstanbul Ailə Məhkəməsinə müraciət etmişdi. Şoumen alimenti dollarla deyil, türk lirəsi ilə ödəmək istədiyini bildirmiş və 10 min dollarlıq alimentin 40 min lirə olmasını tələb etmişdi.