\"Polat Alemdar\": \"Kurtlar Vadisi həqiqət imiş\"
"Kurtlar Vadisi" serialının "Polat Alemdar"ı Necati Şaşmaz Taksim meydanında insanlar qarşısında çıxış edərək, çevrilişə cəhd edənləri qınayıb.
Milli.Az Türkiyə mətbuatına istinadən xəbər verir ki, o, çıxışında deyib:
"Hörmətli qardaşlarım, milli iradəmizi tapdalamağa çalışdılar, demokratiyamıza zərbə vurmaq istədilər. Biz dimdik ayaq üstə qaldıq. Bir tankdan digər tankın altına qaçdıq. Bunun qarşısını alan xalqıma minnətdarlığımı bildirirəm. Millətimiz bu demokratiya savaşında qarşısında durdu və onu əzdi.
Onlar özlərini insansevər kimi təqdim etdilər. Çoxlarını din adı ilə aldatdılar. Amma biz bu gün onların əsl simalarını gördük.
"Kurtlar Vadisi"serialında illərdir bu həqiqəti başa salmağa çalışırıq. Serialda "bunlar təxəyyül məhsuludur" yazılıb, amma bu gün görürük ki, bunlar bir həqiqət imiş. Biz başa salmağa davam edəcəyik. Biz bütövük. Birliyimizi göstərək!".
