Nazarbayev Bakını bu quruma dəvət etdi - Cavabımız nə olacaq?

 

Maraqlıdır, Azərbaycan indiki halda Avrasiya İqtisadi İttifaqında müşahidəçi ölkə ola bilərmi?

 

Bununla bağlı Sfera.az-a açıqlama verən politoloq Teymur Qasımlı bildirib ki, Azərbaycanın Avrasiya İqtisadi İttifaqına üzv olması və ya Nazarbayevin qeyd etdiyi kimi müşahidəçi qismində iştirak etməsi hər zaman gündəmdə olan məsələdir:

"Yəni ilk dəfə deyil ki, ölkəmiz belə bir dəvət alır. Aydın məsələdir ki, rəsmi Bakının Avrasiya İqtisadi İttifaqında olmasını Rusiya istəyir. Kreml faktiki olaraq Nazarbayevin dili ilə Bakıya bu istəyini çatdırır. Azərbaycan bu günə qədər Kremlin Avrasiya İqtisadi İttifaqın üzv olmaq təklifinə diplomatik manevrlər edərək yayınmağı bacarıb. Hesab edirəm, mövqeyimizi bu gün də dəyişməməliyik. Çünki hazırda regionda çox çətin geosiyasi proseslər gedir. Belə ki, regionda başda Rusiya, İngiltərə, hətta Çinin də maraqları var. Rəsmi Bakı bu reallığı nəzərə alaraq hərəkət etməlidir”.

 

Turan Rzayev