Erməni maraqları və Mirzəli-Lapşin qardaşlığı - VİDEO
Siyasət
16:19 / 09.12.2021
965
Xaricdə yaşayan və təəssüf ki, şəxsiyyət vəsiqəsində "azərbaycanlı”
yazılan bəzi şəxslərin virtual-həmlələri, Azərbaycana qarşı açıq təxribatlarının
miqyası daha da genişlənib.
Uzun müddətdir ki, anti-Azərbaycan fəaliyyətlərinin
mərkəzində yer alan şəxslər bu dəfə öz həmkarlarını da prosesə cəlb etməyə cəhd
göstərirlər. Hər vəcdlə Azərbaycanı qaralamağa və beynəlxalq nüfuzunu zəiflətməyə
çalışanlar öz əməllərini davam etdirmək üçün hər vasitədən istifadə etməkdə qərarlıdır.
Bu şəxlər içərisində öz radikallığı və xüsusilə Azərbaycan düşmənçiliyi ilə
seçilən əsas fiqur Məhəmməd Mirzəlidir.
25 noyabrda Məhəmməd Mirzəli öz "YouTube” kanalına Azərbaycanın düşməni,
ermənipərəst bloqqer Aleksandr Lapşini dəvət edib. Əsassız iddialarla yadda qalan verilişdə Azərbaycan
ordusunun hədəfə çevrildiyi nəzərə çarpır. Belə ki, yayım zamanı Lapşinin
ordumuzun gözü hesab olunan elitar bölməsi "Yaşma” xüsusi təyinatlıları haqda olduqca təhqiredici
tərzdəki çıxışı senzurasız şəkildə təqdim edilib. Hər iki şəxs Azərbaycan
ordusunun nüfuzunu ləkələmək məqsədilə əsassız iddialara söykənən böhtan
kampaniyasına cəhd ediblər.
Qeyd edək ki, adı Məhəmməd Mirzəli ilə birgə
hallanan Aleksandr Lapşin 2011-ci və 2012-ci ildə Qarabağa səfərlərindən sonra Azərbaycanda
arzuolunmaz şəxslər siyahısına salınıb. Buna rəğmən öz fəaliyyətlərini
dayandırmayan Lapşin 2016-cı ildə Azərbaycana Ukrayna pasportu ilə gəlib və bu
səfəri barədə öz bloqunda məlumat verib. Bundan sonra Azərbaycan sərhədini
qanunsuz şəkildə keçməkdə ittiham edilən Aleksandr Lapşin Bakının müraciətinə əsasən
Belarusda saxlanılaraq Azərbaycana gətirilib.
Haqqında 3 il müddətində həbs-qəti imkan tədbiri seçilən Lapşin 2017-ci ildə
Azərbaycan Prezidenti
tərəfindən əfv olunub.
Lakin, deyəsən
bu xoşməramlı mövqe Aleksandr Lapşinin çox tez
yadından çıxıb və o, yenidən Azərbaycana qarşı təxribatlara davam etməkdədir.
Azərbaycana qarşı açıq təxribatlarda adı çəkilən və ermənilərlə yaxınlığa malik
Aleksandr Lapşinin Məhəmməd Mirzəli
ilə yaxınlığı heç də təəccüblü
deyil.
Məhəmməd Mirzəli hələ bir neçə ay əvvəl Ermənistanın
"Civilnet” kanalındakı proqrama qatılmış və Azərbaycan əleyhinə açıqlamaları ilə
yadda qalmışdı. Erməni kanalına müsahibəsində Azərbaycanı təxribatçı adlandıran
Məhəmməd Mirzəli, Qarabağdakı sülhün əsas düşməninin də məhz Azərbaycan olduğunu qeyd edirdi. Məhəmməd Mirzəlinin
oxşar qaydada erməni maraq qrupları ilə yaxın münasibətlərə malik olan Aleksandr
Lapşinlə yaxınlaşması da bu istiqamətdəki fəaliyyətlərin daha da genişləndiyini
göstərir.
Mirzəli-Lapşin cütlüyü erməni maraqlarını təmin
etmək və Azərbaycana qarşı təxribatları həyata keçirmək üçün seçilmiş ikilidir.
Orxan
Sfera.az
