Güləşçilərmiz erməniləri məğlub etdi - VİDEO - FOTO

Güləşçilərmiz erməniləri məğlub etdi - VİDEO - FOTO

İsveçin paytaxtı Stokholmda yeniyetmə güləşçilər arasında Avropa çempionatı start götürüb.

 

Azərbaycan Güləş Federasiyasından Publika.az-a verilən məlumata görə, ilk gün güləşçilərimiz üçün uğurlu sayıla bilər.

 

Bu çempionatı digərlərindən fərqləndirən ən önəmli məqam odur ki, bu ildən etibarən yeniyetmə güləşçilərin qitə çempionatlarında hər bir ölkə hər bir çəki dərəcəsində 2 idmançı ilə təmsil oluna bilər. Bu qərar ötən ilin dekabrında Dünya Güləş Birliyi İcraiyyə Komitəsinin Soçidə keçirilən toplantısında qəbul edilib.

İlk yarış günündə 42, 50, 58, 69 və 85 kq çəki dərəcələrində sərbəst güləşçilər arasında qaliblər müəyyənləşir.

42 kq çəki dərəcəsində mübarizə aparan hər iki güləşçimiz finala yüksəlib. Mahir Məmmədzadə Ermənistan, Moldova və Rusiyadan olan rəqiblərini tam üstünlüklə məğlub edib. Finala qədər rəqiblərindən 32 xal qazanan güləşçimiz heç bir rəqibinə xal verməyib.

Maqomedsalix Abakarov isə Belarus, Gürcüstandan iki və Türkiyədən olan rəqiblərini üstələyib finala vəsiqə qazanıb.

50 kq çəki dərəcəsində mübarizə aparan İntiqam Vəlizadə və Vüsal Hüseynov yarımfinala qədər inamla güləşib. İntiqam Gürcüstan və Rusiyadan olan rəqiblərinə qalib gəlsə də yarımfinalda digər Rusiya təmsilçisinə uduzub. Vüsal isə Yunanıstan və Gürcüstandan olan rəqiblərini üstələyib. Ancaq yarımfinalda Türkiyə təmsilçisinə məğlub olub. Hər iki güləşçimiz bürünc medal uğrunda görüşə çıxacaq.

58 kq çəkidə yarışan təmsilçimiz Daur Psardia Bolqarıstan və Ukraynadan olan rəqiblərini üstələsə də, 1/4 finalda məğlub olub. Rəqibin finala yüksəlməsi isə təsəlliverici görüşə qatılan Daur Macarıstan təmsilçisini mübarizədən kənarlaşdırıb və bürünc medal uğrunda görüşə haqq qazanıb. Həlledici görüşdə təmsilçimizin rəqibi Türkiyə idmançısı olacaq.

69 kq çəki dərəcəsində mübarizə aparan güləşçilərimizdən Abubakr Abakarov ardıcıl olaraq Estoniya, Ukrayna və Ermənistandan olan rəqiblərini üstələyib. Yarımfinalda Rusiya təmsilçisinə uduzan güləşçimiz bürünc medal uğrunda görüşə haqq qazanıb.

Abdulmuslim Məmmədov isə Moldova və Türkiyədən olan rəqiblərini üstələyib, 1/4 finalda Rusiya təmsilçisinə uduzub. İtaliya idmançısı ilə təsəlliverici görüşdən qalib ayrılan Abdulmuslim Məmmədov bürünc medal uğrunda görüşə haqq qazanıb. Bürünc medal görüşündə iki güləşçimiz qarşılaşacaqlar.

Final görüşləri Bakı vaxtı ilə saat 20:00-da başlayacaq.

 

 




OXŞAR XƏBƏRLƏR

13 yaşlı Aysun Gəncədə tapıldı

Tovuzda itkin düşən məktəbli tapılıb.   Bu barədə Sfera.az-a Daxili İşlər Nazirliyinin (DİN) mətbuat xidmətinin Gəncə regional qrupunun baş inspektor...

Tramp administrasiyasının tarifləri məşhur brendlərin səhmlərini çökdürdü

3 aprel 2025-ci ildə ABŞ Prezidenti Donald Trampın Vyetnam, İndoneziya və Çin məhsullarına yeni tariflər tətbiq etməsindən sonra “Nike”, “Adid...

Dollar kəskin UCUZLAŞDI

ABŞ prezidenti Donald Tramp hesab edir ki, yeni gömrük rüsumlarının tətbiqi ölkə iqtisadiyyatına 6-7 trilyon dollarlıq investisiya axınına səbəb olacaq. &nbs...

“Xəbər gəldi ki, başı pozulub” - Məktəbdəki hadisənin təfərrüatı

Xəbər verdiyimiz kimi, 26 yaşlı Əfsanə Rzayeva kəsici-deşici alətlə məktəbə gələrək övladını döyməyə cəhd edib və onu sakitləşdirmək istəyən müəllimə xəsarət ye...

Türkiyədə dönərdən zəhərlənənlərin sayı 600-ü ötdü

Türkiyənin Kocaeli vilayətində toyuq dönərindən zəhərlənənlərin sayı 648 nəfərə çatıb.   Sfera.az-ın xəbərinə görə, ümumilikdə 648 nəfər vilayətin xə...

Deputat vətəndaş qəbulu keçirdi - FOTO

Milli Məclisin deputatı Qaya Məmmədov Suraxanı rayonunda növbəti vətəndaş qəbulu keçirib.   Sfera.az xəbər verir ki,  görüşdə iştirak edən yerli...