ABŞ dövlət katibinin Bayramov və Mirzoyanla görüşü – Əsas müzakirələr, çıxan nəticələr
13:27 / 03.12.2021
632
"Azərbaycanın mövqeyi sabit və birmənalıdır.
30 ilə yaxındır, davam edən Qarabağ münaqişəsi başa çatıb. Ermənistan 10 noyabr
razılaşmasının bütün bəndlərini yerinə yetirilməli, silahlı qüvvələrini Azərbaycan
ərazisindən çıxarmalıdır”.
"Bu istiqamətdə Azərbaycan xarici işlər naziri
Ceyhun Bayramov ABŞ dövlət katibi Entoni Blinkenlə görüşüb. Görüş zamanı C.
Bayramov 10 noyabr üçtərəfli bəyanatı, postmünaqişə dövründəki vəziyyəti, eləcə
də sərhəd məsələsini müzakirə edib. Prinsip etibarilə, Soçi görüşü və Aşqabad
sammitində ölkə başçısının Zəngəzur dəhlizi ilə bağlı sərgilədiyi mövqeyi
Bayramov da Blinkenlə görüşdə təkrarladı. Nazir Zəngəzur dəhlizinin tezliklə işə
salınmasının bölgə ölkələri üçün yeni imkanlar yaradacağını diqqətə çatdırdı.
Xarici işlər nazirinin bu məsələni bir daha dilə gətirməsi rəsmi Bakının dəhliz
məsələsində nə dərəcədə israrlı va sabit fikirli olduğunu göstərir”.
Politolqoun sözlərinə görə, Ermənistan xarici
işlər naziri Ararat Mirzoyan da Blinkenlə görüşüb:
"Rəsmi İrəvanın bu görüşdə sərgilədiyi mövqe
isə hər zaman olduğu kimi qeyri-konstruktiv idi. Xüsusilə sərhəd məsələsini öz
maraqları kontekstində təqdim edən Mirzoyan ABŞ dövlət katibindən "erməni əsirləri”n
qaytarılmasına kömək istədi. Əvvəla, onu qeyd etmək lazımdır ki, hazırda Azərbaycanda
saxlanılan ermənilər heç bir halda hərbi əsir deyil və bunu belə adlandırmaq
beynəlxalq hüququ heçə saymaqdır. Digər tərəfdən, Bakının əlindəki
diversantların geri qaytarılması rəsmi İrəvanın konstruktiv addımlarından asılı
olacaq.
Mirzoyan çıxışında "Qarabağda öz müqəddəratını
təyin etmədən” bəhs etməsi isə Ermənistanın əvvəlki mövqeyindən əl çəkmədiyini
bir daha sübut edir. Minsk Qrupu formatı
heç bir halda bu məsələ üçün fəaliyyət göstərə bilməz. Yeni reallıqlar fonunda
rəsmi İrəvanın səsləndirdiyi fikirlər hesab edirəm gələcək üçün heç bir müsbət
şey vəd etmir”.
