“iPhone” tədarükçüsü 32 milyard dollara satıldı
Bu gün texnologiya dünyasının ən böyük satınalmalarından biri baş verdi.
Sfera.az Marja-ya istinadən xəbər verir ki, Yaponiyanın "Softbank”şirkəti İngiltərənin ən böyük şirkətlərindən biri olan, yaratdığı prosessorları ağıllı telefonlar daxil bir çox cihazlarda yer alan ARM şirkətini satın aldı.
Gələn ilk məlumatlara görə, "Softbank” ARM-ni 32 milyard dollar ilə tərkibinə daxil edib.
ARM ağıllı telefonlardan tost cihazlarına qədər geniş spektr üçün məhsul tədarük edir. Şirkət "iPhone” üçün "Apple”ə də məhsul verir.
Yaponiyanın telekommunikasiya nəhəngi "Softbank” isə son illərdə etdiyi satınalmalarla mediada geniş yer alıb. Şirkət ötən dövrdə ABŞ-ın GSM operatorlarından "Sprint”i tərkibinə qataraq gündəmə gəlmişdi.
"ARM Holdings”in 4000 əməkdaşı var.
