Səyyar “ASAN xidmət” bu gün Lənkəran və Ramanadadlr
Sakinlər Ədliyyə və Daxili İşlər, Əmək və Əhalinin Sosial Müdafiəsi nazirlikləri və Əmlak Məsələləri Dövlət Komitəsinin mütəxəssislərinin xidmətlərindən yararlana biləcəklər.
Səyyar "ASAN xidmət” bu gündən başlayaraq Lənkəran şəhərində və Sabunçu rayonunun Ramana qəsəbəsində vətəndaşlara xidmət göstərəcək.
Oxu.Az xəbər verir ki, Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin səyyar şəkildə təqdim etdiyi bu xidmətləri Ədliyyə və Daxili İşlər, Əmək və Əhalinin Sosial Müdafiəsi nazirlikləri və Əmlak Məsələləri Dövlət Komitəsinin münəxəssisləri həyata keçirəcək.
Bu xidmətlərə notariat fəaliyyəti, vətəndaşlıq vəziyyəti aktlarının dövlət qeydiyyatı, şəxsiyyət vəsiqələrinin verilməsi və dəyişdirilməsi, ümumvətəndaş pasportlarının verilməsi və dəyişdirilməsi, sürücülük vəsiqələrinin dəyişdirilməsi, əmək pensiyalarının təyin edilməsi, mənzillər üzərində mülkiyyət hüquqlarının ilkin və təkrar dövlət qeydiyyatına alınması barədə çıxarışların, texniki pasportların verilməsi, daşınmaz əmlakın təsvirinə, dövlət qeydiyyatına alınmış hüquqlara və onların məhdudlaşdırılmasına (yüklülüyünə) dair dövlət reyestrindən arayışların verilməsi, fərdi yaşayış evləri üzərində mülkiyyət hüquqlarının təkrar dövlət qeydiyyatına alınması barədə çıxarışların, texniki pasportların verilməsi daxildir.
Səyyar "ASAN xidmət” Ramana qəsəbəsində isə iyulun 27-ə, Lənkəran şəhərində isə 30-dək xidmət göstərəcək.
